مطعم باي جان جورج الدوحة المطعم حلو من ناحية الديكور والاكل لذيذ و السوشي و لكن المطعم ماينفع للعائلات لان دايما زحمة و خدمة المطعم جيدة
W Doha Hotel & Residences West Bay, الدوحة، قطر
+97444535000
اللي يتميز فيه ماركت من ناحية السوشي “يوزو انفيوز تمبورا” وهو مب موجود في مطعم سبايس ماركت نقدر نطلبه ويجيبونه لنا بس مب كل مره يقدرون لان ياخذ اكثر من نص ساعه لو يجيبونه لنا في سبايس ماركت ، واللي يتميز فيه بعد السلطات والشوربات والمشروبات المتنوعه
المطعم دايما زحمه والافضل انك تحجز طاوله قبل ماتروح وفي قسم للمدخنين. الخدمه جيده حسيتها ماتتناسب مع جوده المطعم وسعره خذولهم ربع ساعه تقريبا عشان يجيبون لنا المنيو. المطعم مشهور بالسوشي خاصه “الشرديد كراب” طلبناه وطلبنا معاه “اليوزو انفيوزد تمبورا” مع اني مب من محبي السوشي والسي فود بشكل عام الا ان الشرديد كراب صدمني بلذته ماحسيت اني اكل سي فود يمكن لانه كان كرسبي مب ني. وطلبنا للمقبلات شوربه الطماط وسلطه السيزر للامانه الذ شوربه طماط ذقتها ف قطر وطريقه التقديم جدا مميزه.
التقرير الاول
مطعم ماركت في فندق الدبليو ، منافس حق مطعم سبايس ماركت اللي في الدبليو بعد هم الاثنين تقريباً نفس المنيو بس في اختلاف ان مطعم ماركت متنوع في باستا وسوشي وستيكات وأكثر من طبق بس سبايس ماركت سيفود اكثر شي وستيكات
التقرير الثاني
القعدات فيه قسم حق اللي يدخنون وقسم ثاني حق اللي ما يدخنون بس مافيه مكان حق عائلات ، الخدمة مرات تكون سريعه ومرات لا أما الاسعار معروفين بأسعارهم الغاليه بالنسبة لمكانه في فندق مشهور.
التقرير الثالث
تجربة رائعة في المطعم. كان فريق العمل رائع ومدهش. تلبي كل رغباتنا. أي شيء طلبناه حتى لا في القائمة تم صنعه لنا. لم يقل أي موظف لا لأي من طلباتنا. أقمنا في W خلال عطلة نهاية الأسبوع للاحتفال بعيد الزواج ويجب أن نقول إننا معجبون. مثل هذا الاهتمام بالتفاصيل. لقد فاجأونا بكل شيء. تجربة مدهشة. احببته. أفضل إقامة حظينا بها منذ وقت طويل. فندق برافو دبليو الدوحة.
جميع الحقوق محفوظة لموقع مطاعم و كافيهات قطر © 2024 - Privacy Policy - اعلن معنا
